kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16
kap 17
kap 18
kap 19
kap 20
kap 21
kap 22

Zbulesa

^22
1 Pastaj engjëlli më tregoi lumin e ujit të jetës, i kthjellët si kristal, që dilte nga froni i Perëndisë dhe i Qengjit
² teposhtë mesit të rrugës së qytetit; në të dy anët e lumit ishte pema e jetës që prodhon dymbëdhjetë lloje frytesh, duke dhënë frytin e saj çdo muaj. Gjethet e pemës shërbejnë për të shëruar kombet.
³ Nuk do të ketë më asnjë mallkim; froni i Perëndisë dhe i Qengjit do të jetë në të dhe shërbëtorët e Tij do t’i shërbejnë Atij.
⁴ Do t’i shohin fytyrën dhe emrin e Tij do ta kenë në ballë.
⁵ Nuk do të ketë më natë dhe nuk do të kenë nevojë për dritën e llambës ose për dritën e diellit, sepse Zoti Perëndi do t’i ndriçojë dhe ata do të mbretërojnë për jetë të jetëve.
⁶ Engjëlli më tha: "Këto fjalë janë të besueshme dhe të vërteta. Zoti, Perëndia i frymëve dhe i profetëve, dërgoi engjëllin e Vet t’u tregojë shërbëtorëve të Vet ato që duhet të ndodhin së shpejti.
⁷ "Ja, unë po vij shpejt! Lum ai që i mban fjalët e profecisë së këtij libri."
⁸ Unë, Gjoni, jam ai që i kam dëgjuar dhe i kam parë këto gjëra. Kur i dëgjova dhe i pashë, rashë përdhe për të adhuruar para këmbëve të engjëllit që m’i tregoi këto.
⁹ Më tha: "Shiko se mos e bën këtë; jam shërbëtor bashkë me ty dhe me vëllezërit e tu profetë, si edhe me ata që u përmbahen fjalëve të këtij libri. Adhuro Perëndinë!"
¹⁰ Pastaj më tha: "Mos i vulos fjalët e profecisë së këtij libri, sepse koha është afër.
¹¹ Kush bën keq, le të vazhdojë të bëjë keq; kush është i papastër, le të vazhdojë të jetë i papastër; kush është i drejtë, le të vazhdojë të zbatojë drejtësi dhe kush është i shenjtë, le të shenjtërohet edhe më shumë."
¹² "Ja, po vij shpejt dhe shpërblimin e kam me Vete, që t’ia jap secilit sipas asaj që ka bërë.
¹³ Unë jam Alfa dhe Omega, i Pari dhe i Fundit, fillimi dhe fundi."
¹⁴ Lum ata që lajnë rrobat e veta, që të kenë të drejtë të marrin pjesë në pemën e jetës dhe të hyjnë në qytet nga portat.
¹⁵ Jashtë janë qentë, magjistarët, të përdalët, vrasësit dhe idhujtarët dhe kushdo që e do dhe bën gënjeshtrën.
¹⁶ "Unë, Jezusi, e kam dërguar engjëllin Tim që t’ju dëshmojë këto gjëra për kishat. Unë jam rrënja dhe fara e Davidit, ylli i ndritshëm i mëngjesit."
¹⁷ Fryma dhe nusja thonë: "Eja." Dhe kush dëgjon, le të thotë: "Eja." Kush ka etje, le të vijë; kush dëshiron, le ta marrë falas ujin e jetës.
¹⁸ Unë e paralajmëroj këdo që dëgjon fjalët e profecisë së këtij libri: po t’u shtojë dikush ndonjë gjë tjetër, Perëndia do t’ia shtojë murtajat që janë përshkruar në këtë libër.
¹⁹ Po t’i heqë dikush ndonjë fjalë librit të kësaj profecie, Perëndia do t’ia heqë pjesën e tij nga pema e jetës dhe nga qyteti i shenjtë, që janë përshkruar në këtë libër.
²⁰ Ai që dëshmon për këto gjëra, thotë: "Po, po vij shpejt." Amen. Eja, o Zot Jezus.
²¹ Hiri i Zotit Jezus qoftë me ju të gjithë. Amen.