kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16
kap 17
kap 18
kap 19
kap 20
kap 21
kap 22

Zbulesa

^21
1 Pashë një qiell të ri dhe një tokë të re, sepse qielli i parë dhe toka e parë kishin kaluar dhe nuk kishte më det.
² Pashë edhe qytetin e shenjtë, Jeruzalemin e ri, duke zbritur nga qielli prej Perëndisë, të përgatitur si një nuse e stolisur për burrin e vet.
³ Dëgjova një zë të lartë nga froni, që thoshte: "Ja, Perëndia e ka ngritur tendën mes njerëzve dhe do të banojë me ta. Ata do të jenë populli i Tij dhe Vetë Perëndia do të jetë me ta, e do të jetë Perëndia i tyre.
⁴ Ai do t’u fshijë çdo lot prej syve. Nuk do të ketë më vdekje, as zi, as britma, as dhimbje; sepse të parat kanë kaluar."
⁵ Ai që rrinte ulur në fron, tha: "Ja, të gjitha gjërat po i bëj të reja." Pastaj tha: "Shkruaj, sepse këto fjalë janë të besës dhe të vërteta."
⁶ Më tha: "U bë. Unë jam Alfa dhe Omega, fillimi dhe fundi. Atij që ka etje Unë do t’i jap falas nga burimi i ujit të jetës.
⁷ Ai që del fitimtar, do t’i trashëgojë këto. Unë do të jem Perëndia i tij dhe ai do të jetë biri Im.
⁸ Frikacakët, ata që nuk besojnë, për të neveritshmit, vrasësit, të përdalët, magjistarët, idhujtarët dhe të gjithë gënjeshtarët do ta kenë vendin në liqenin që digjet me zjarr dhe squfur; kjo është vdekja e dytë."
⁹ Një nga shtatë engjëjt, që kishte të shtatë kupat plot me shtatë murtajat e fundit, erdhi dhe më foli, duke thënë: "Eja, do të të tregoj nusen, gruan e Qengjit."
¹⁰ Më çoi në Frymë mbi një mal të madh e të lartë dhe më tregoi qytetin e shenjtë, Jeruzalemin, që zbriste nga qielli prej Perëndisë.
¹¹ Ai shkëlqente me lavdinë e Perëndisë dhe shkëlqimi i tij i ngjante një guri shumë të çmuar, si një gur diaspri i kristaltë.
¹² Kishte një mur të madh e të lartë me dymbëdhjetë porta, ku qëndronin dymbëdhjetë engjëjt. Mbi portat ishin shkruar disa emra, që janë [emrat e] të dymbëdhjetë fiseve të bijve të Izraelit.
¹³ Nga lindja ishin tri porta, nga veriu tri porta, nga jugu tri porta dhe nga perëndimi tri porta.
¹⁴ Muri i qytetit kishte dymbëdhjetë themele dhe mbi to ishin dymbëdhjetë emrat e dymbëdhjetë apostujve të Qengjit.
¹⁵ Engjëlli që foli me mua, kishte një purtekë matëse prej floriri për të matur qytetin, portat dhe murin e tij.
¹⁶ Qyteti shtrihej në formë katrori, sa i gjatë aq edhe i gjerë. Ai e mati qytetin me purtekën, dhe pa që ishte dymbëdhjetë mijë stade. Kishte të njëjtën gjatësi, gjerësi e lartësi.
¹⁷ Mati murin e tij, njëqind e dyzet e katër kute, sipas matjes së njeriut, që po përdorte engjëlli.
¹⁸ Muri ishte ndërtuar prej diaspri; qyteti ishte prej ari të kulluar, si një qelq i pastër.
¹⁹ Themelet e murit të qytetit ishin të zbukuruara me gjithfarë gurësh të çmuar. Themeli i parë ishte prej diaspri, i dyti, prej safiri, i treti prej kalcedoni, i katërti prej smeraldi,
²⁰ i pesti prej sardoniku, i gjashti prej sardi, i shtati prej krizoliti, i teti prej berili, i nënti prej topazi, i dhjeti prej krizoprazi, i njëmbëdhjeti prej hiacinti, i dymbëdhjeti prej ametisti.
²¹ Të dymbëdhjetë portat ishin dymbëdhjetë margaritarë; secila prej portave ishte e ndërtuar prej një margaritari të vetëm. Rruga e qytetit ishte prej ari të pastër, si një qelq i tejdukshëm.
²² Nuk pashë ndonjë tempull në të, sepse Zoti Perëndi i Gjithëfuqishëm dhe Qengji janë tempulli i tij.
²³ Qyteti nuk ka nevojë për shkëlqimin e diellit ose të hënës, sepse atij i jep dritë lavdia e Perëndisë dhe llamba e tij është Qengji.
²⁴ Kombet do të ecin me dritën e tij dhe mbretërit e dheut do të sjellin në të lavdinë e tyre.
²⁵ Dhe gjatë ditës (sepse atje nuk do të ketë natë) portat e tij nuk do të mbyllen kurrë.
²⁶ Ata do të sjellin në të lavdinë dhe nderin e kombeve.
²⁷ Asgjë e papastër dhe asnjë njeri që bën gjëra të neveritshme dhe gënjeshtra, nuk do të hyjë në të, por vetëm ata, emrat e të cilëve janë të shkruar në librin e jetës së Qengjit.