kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16
kap 17
kap 18
kap 19
kap 20
kap 21
kap 22

Zbulesa

^20
1 Pashë një engjëll duke zbritur nga qielli, që kishte çelësin e humnerës dhe mbante një vargua të madh në dorë.
² E mbërtheu dragoin, atë gjarpër të lashtë, që është djalli dhe Satani, dhe e lidhi për një mijë vjet.
³ E flaku në humnerë, e mbylli dhe vuri vulën mbi të, që të mos mashtronte më kombet, derisa të plotësoheshin një mijë vjetët. Pas kësaj ai duhet të lirohet për pak kohë.
⁴ Pashë frone, ku ishin ulur ata të cilëve iu dha pushtet të gjykojnë; pashë shpirtrat e atyre që u ishin prerë kokat për shkak të dëshmisë së tyre për Jezusin dhe për shkak të fjalës së Perëndisë; pashë edhe ata që nuk e kishin adhuruar bishën dhe statujën e saj dhe që nuk kishin marrë damkën në ballë e në dorë. Ata u ngjallën dhe mbretëruan me Krishtin për një mijë vjet.
⁵ Pjesa tjetër e të vdekurve nuk u kthyen në jetë, derisa të plotësoheshin të një mijë vjetët. Kjo është ngjallja e parë.
⁶ I bekuar dhe i shenjtë është ai që merr pjesë në ngjalljen e parë. Vdekja e dytë nuk ka pushtet mbi këta, por ata do të jenë priftër të Perëndisë dhe të Krishtit dhe do të mbretërojnë me Të për një mijë vjet.
⁷ Kur të plotësohen një mijë vjetët, Satani do të lirohet nga burgu i tij
⁸ dhe do të dalë për të mashtruar kombet që janë në të katër skajet e dheut, Gogun e Magogun, që t’i mbledhë për luftë, numri i të cilëve është si rëra e detit.
⁹ Marshuan anekënd dheut dhe rrethuan kampin e shenjtërve dhe qytetin e dashur. Por nga qielli ra zjarr dhe i përpiu.
¹⁰ Djalli që i mashtroi, u flak në liqenin plot zjarr e squfur, ku ishin hedhur edhe bisha me profetët e rremë. Atje do të mundohen ditë e natë për jetë të jetëve.
¹¹ Pastaj pashë një fron të madh të bardhë dhe Atë që ishte ulur në të. Toka dhe qielli u zhdukën prej syve të Tij dhe asnjë vend nuk u gjet për ta.
¹² Pashë të vdekurit, të mëdhenj dhe të vegjël, duke qëndruar përpara fronit dhe librat u hapën; u hap edhe një libër tjetër, që është libri i jetës. Të vdekurit u gjykuan sipas veprave të tyre, siç ishin shkruar në librat.
¹³ Deti i ktheu të vdekurit që ishin në të. Edhe vdekja dhe ferri i kthyen të vdekurit që ishin në ta dhe ata u gjykuan, secili sipas veprave të tyre.
¹⁴ Vdekja dhe ferri u flakën në liqenin e zjarrtë. Kjo është vdekja e dytë, liqeni i zjarrtë.
¹⁵ Kush nuk u gjet i shkruar në librin e jetës, u flak në liqenin e zjarrtë.