kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16
kap 17
kap 18
kap 19
kap 20
kap 21
kap 22

Zbulesa

^17
1 Një nga të shtatë engjëjt që kishin të shtatë kupat erdhi dhe më tha: "Eja, do të të tregoj gjykimin e gruas së përdalë famëkeqe që është ulur mbi shumë ujra.
² Me të kurvëruan mbretërit e dheut dhe ata që banojnë në tokë u dehën prej verës së imoralitetit të saj."
³ Pastaj më çoi në Frymë në një vend të shkretë dhe aty pashë një grua të ulur mbi një bishë të kuqe të ndezur, plot me emra blasfemues, që kishte shtatë koka dhe dhjetë brirë.
⁴ Gruaja kishte veshje të purpurt e të kuqe të ndezur, të zbukuruar me ar, me gurë të çmuar dhe me margaritarë. Në dorë mbante një kupë ari plot me neveri dhe ndyrësi të imoralitetit të saj.
⁵ Në ballë kishte të shkruar një emër, një mister: "BABILONIA E MADHE, NËNA E TË PËRDALAVE DHE E NEVERIVE TË DHEUT."
⁶ Pashë që gruaja ishte dehur me gjakun e shenjtërve dhe me gjakun e dëshmitarëve të Jezusit. Kur e pashë, u habita pa masë.
⁷ Engjëlli më tha: "Pse habitesh? Unë do të ta tregoj misterin e gruas dhe të bishës që e mban, që ka shtatë koka dhe dhjetë brirë.
⁸ Bisha që pe, ishte dikur dhe tani nuk është. Ajo do të ngrihet nga humnera dhe do të shkojë drejt shkatërrimit të saj. Ata që banojnë në tokë, emri i të cilëve nuk është shkruar në librin e jetës që nga themelimi i botës, do të habiten kur të shohin bishën, që dikur ishte, tani nuk është dhe megjithatë do të vijë.
⁹ Kjo kërkon mendje me mençuri. Të shtatë kokat janë shtatë male, mbi të cilat rri ulur gruaja.
¹⁰ Ata janë shtatë mbretër: pesë kanë rënë, njëri është dhe tjetri nuk ka ardhur ende. Kur të vijë, ai duhet të qëndrojë për njëfarë kohë.
¹¹ Bisha që ishte dikur, por që tani nuk është, është i teti dhe është një nga të shtatët, që shkon drejt shkatërrimit.
¹² Të dhjetë brirët që pe, janë dhjetë mbretër, të cilët ende nuk kanë marrë mbretëri, por do të marrin pushtet si mbretër vetëm për një orë bashkë me bishën.
¹³ Këta kanë një qëllim të vetëm: t’ia japin fuqinë dhe pushtetin e tyre bishës.
¹⁴ Këta do të bëjnë luftë kundër Qengjit dhe Qengji do t’i mundë, sepse është Zot i zotërve dhe Mbret i mbretërve dhe ata që janë me Të, janë të thirrurit, të zgjedhurit e besnikët."
¹⁵ Pastaj engjëlli më tha: "Ujërat që pe, aty ku rri ulur gruaja e përdalë, janë popujt, turmat, kombet dhe gjuhët.
¹⁶ Bisha dhe ata të dhjetë brirët që pe, do ta urrejnë gruan e përdalë. Do ta shkretojnë e do ta lënë lakuriq. Do t’i hanë mishin dhe do ta bëjnë shkrumb e hi me zjarr.
¹⁷ Sepse Perëndia ua ka shtënë në zemër të përmbushin qëllimin e Tij, duke rënë në një mendje që t’i japin bishës mbretërinë e tyre, derisa të përmbushen fjalët e Perëndisë.
¹⁸ Gruaja që pe, është qyteti i madh që mbretëron mbi mbretërit e dheut."