kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16
kap 17
kap 18
kap 19
kap 20
kap 21
kap 22

Zbulesa

^12
1 Në qiell u shfaq një shenjë e madhe: një grua e veshur me diellin, me hënën nën këmbët e saj dhe me një kurorë prej dymbëdhjetë yjesh në kokë.
² Ajo ishte shtatzënë dhe bërtiste nga dhimbjet dhe mundimet e lindjes.
³ Një shenjë tjetër u shfaq në qiell: një dragua i madh i kuq me shtatë koka dhe dhjetë brirë dhe mbi kokat kishte shtatë kurora mbretërore.
⁴ Bishti i tij fshiu një të tretën e yjeve nga qielli dhe i flaku në tokë. Dragoi qëndroi përballë gruas që ishte gati për të lindur, që, kur ajo të lindte, t’ia gllabëronte fëmijën.
⁵ Ajo lindi djalë, fëmijë mashkull, i cili do të sundojë mbi gjithë kombet me shkop të hekurt. Fëmija iu rrëmbye për te Perëndia dhe te froni i Tij.
⁶ Gruaja iku në shkretëtirë në një vend të përgatitur për të nga Perëndia, ku ajo mund të ushqehej për një mijë e dyqind e gjashtëdhjetë ditë.
⁷ Në qiell shpërtheu lufta. Mikaeli dhe engjëjt e tij luftuan kundër dragoit. Edhe dragoi luftoi bashkë me engjëjt e vet,
⁸ por nuk ishte edhe aq i fortë, dhe për ta nuk u gjet asnjë vend në qiell.
⁹ Dragoi i madh, gjarpri i lashtë i quajtur djall dhe Satan, që mashtroi tërë botën, u hodh poshtë. Ai u flak përtokë dhe bashkë me të edhe engjëjt e tij.
¹⁰ Dëgjova një zë të lartë në qiell, që thoshte: "Tani ka ardhur shpëtimi, fuqia, mbretëria e Perëndisë sonë dhe pushteti i Krishtit të Tij, sepse u hodh poshtë paditësi i vëllezërve tanë, ai që i padit ata ditë e natë përpara Perëndisë sonë.
¹¹ Ata e mposhtën atë me gjakun e Qengjit dhe me fjalën e dëshmisë së tyre dhe nuk e deshën jetën e tyre deri në vdekje.
¹² Për këtë arsye, gëzohuni, o qiej dhe ju që banoni në ta. Mjerë toka dhe deti, sepse djalli ka zbritur te ju me zemërim të madh, sepse e di se koha që i ka mbetur, është e shkurtër."
¹³ Kur dragoi e pa që ishte flakur përtokë, e përndoqi gruan që lindi fëmijën mashkull.
¹⁴ Gruas iu dhanë të dy krahët e shqiponjës së madhe, që të fluturonte në vendin e përgatitur për të në shkretëtirë, atje ku ushqehet për njëfarë kohë, disa kohë dhe gjysmë kohe, larg pranisë së gjarprit.
¹⁵ Gjarpri lëshoi nga goja ujë si lumë, që gruan ta rrëmbente vërshimi i lumit.
¹⁶ Toka i erdhi në ndihmë gruas duke hapur gojën dhe duke përpirë lumin që lëshoi dragoi nga goja e vet.
¹⁷ Dragoi u zemërua me gruan dhe u largua që të bënte luftë me pjesën tjetër të pjellës së saj, me ata që i mbanin urdhërimet e Perëndisë dhe që kanë dëshminë e Jezusit.