kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16
kap 17
kap 18
kap 19
kap 20
kap 21
kap 22

Zbulesa

^10
1 Pashë një tjetër engjëll të fuqishëm që zbriste nga qielli, të mbështjellë nga një re; mbi kokën e tij ishte një ylber, fytyrën e kishte si të diellit dhe këmbët si shtylla zjarri.
² Në dorë kishte një libër të vogël të hapur. Këmbën e djathtë e vuri në det dhe të majtën në tokë
³ dhe thirri me zë të lartë, siç ulërin luani. Kur thirri, të shtatë bubullimat gjëmuan me ushtimat e tyre.
⁴ Kur të shtatë bubullimat gjëmuan, isha gati për të shkruar. Por dëgjova një zë që po fliste nga qielli: "Vulosi ato që të thanë të shtatë bubullimat dhe mos i shkruaj."
⁵ Engjëlli që pashë duke qëndruar në det dhe në tokë, ngriti dorën e djathtë drejt qiellit
⁶ dhe u betua për Atë që jeton në jetë të jetëve, i cili krijoi qiellin dhe ato që janë në të, tokën dhe gjërat në të, detin e gjithçka brenda tij, dhe tha: "Nuk do të ketë më vonesë,
⁷ por në ditët kur engjëlli i shtatë do të jetë gati për t’i rënë trumbetës, atëherë përfundon misteri i Perëndisë, siç ua njoftoi shërbëtorëve të Tij, profetëve.
⁸ Zëri që dëgjova nga qielli, më foli përsëri dhe më tha: "Shko e merr librin e hapur në dorën e engjëllit, i cili po qëndron në det dhe në tokë."
⁹ Shkova tek engjëlli dhe i thashë të më jepte librin. Ai m’u përgjigj: "Merre dhe haje. Do ta thartojë stomakun, por në gojë do të jetë mjaltë i ëmbël."
¹⁰ Mora librin e vogël nga dora e engjëllit dhe e hëngra. Në gojë ishte mjaltë i ëmbël, por pasi e kisha ngrënë, stomaku m’u thartua.
¹¹ Më thanë: "Duhet të profetizosh përsëri për shumë popuj, kombe, gjuhë dhe mbretër."