kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16

Romakeve

^5
1 Prandaj, meqë jemi shfajësuar me anë të besimit, ne kemi paqe me Perëndinë nëpërmjet Zotit tonë Jezus Krishtit,
² nëpërmjet të cilit siguruam hyrjen me anë të besimit në këtë hir në të cilin po qëndrojmë; dhe ngazëllohemi në shpresën e lavdisë së Perëndisë.
³ Dhe jo vetëm kaq, por ne gjithashtu ngazëllohemi në mundimet tona, duke ditur se mundimi sjell durim,
⁴ durimi sjell karakter të sprovuar dhe karakteri i sprovuar shpresë.
⁵ Dhe shpresa nuk të zhgënjen, sepse dashuria e Perëndisë është derdhur në zemrat tona nëpërmjet Frymës së Shenjtë që na u dha neve.
⁶ Sepse kur ne ishim ende të dobët, Krishti megjithatë vdiq në kohën e caktuar për ata që janë të papërshpirtshëm.
⁷ Sepse vështirë është që dikush të vdesë për një njeri të drejtë; por ndoshta për një njeri të mirë dikush edhe do të guxonte të vdiste.
⁸ Ja si e shfaq Perëndia dashurinë e Vet ndaj nesh: ndërsa ne ishim ende mëkatarë, Krishti vdiq për ne.
⁹ Meqenëse tani jemi shfajësuar me anë të gjakut të Tij, aq më tepër do të shpëtojmë nga zemërimi i Perëndisë nëpërmjet Tij.
¹⁰ Sepse, nëse u pajtuam me Perëndinë nëpërmjet vdekjes së Birit të Tij, kur ne ishim armiq me Të, aq më shumë tani, duke qenë të pajtuar, do të shpëtohemi me anë të jetës së Tij.
¹¹ Dhe jo vetëm kjo, por ne edhe ngazëllehemi në Perëndinë nëpërmjet Zotit tonë Jezus Krisht, nëpërmjet të cilit kemi marrë tani pajtimin.
¹² Prandaj, ashtu si hyri në këtë botë mëkati nëpërmjet një njeriu, dhe nëpërmjet mëkatit vdekja, dhe kështu vdekja u përhap në të gjithë njerëzit, sepse të gjithë mëkatuan –
¹³ sepse para se të vinte Ligji, mëkati ishte në botë; por mëkati nuk llogaritet kur nuk ka ligj.
¹⁴ Por vdekja ka mbretëruar që nga Adami deri tek Moisiu edhe mbi ata që nuk kishin mëkatuar duke bërë shkelje si ajo e Adamit, që është shëmbëllimi i Atij që do të vinte.
¹⁵ Por dhurata nuk është si shkelja. Sepse në qoftë se shumë vdiqën prej shkeljes së njërit, edhe më tepër mbushulloi në shumë veta hiri i Perëndisë dhe dhurata falë hirit të një njeriu, Jezus Krishtit.
¹⁶ Dhurata nuk është si ajo që erdhi nëpërmjet njërit që mëkatoi; sepse nga njëra anë gjykimi erdhi nga një shkelje që çoi në dënim, por nga ana tjetër dhurata falas erdhi për shkak të shumë shkeljeve që çuan në shfajësim.
¹⁷ Sepse, nëse nga shkelja e njërit, mbretëroi vdekja për shkak të një njeriu të vetëm, edhe më shumë do të mbretërojnë në jetë nëpërmjet njërit, Jezus Krishtit, ata që marrin bollëkun e hirit dhe të dhuratës së drejtësisë.
¹⁸ Kështu pra, ashtu si nëpërmjet një shkeljeje erdhi dënimi mbi të gjithë njerëzit, po ashtu edhe nëpërmjet një akti drejtësie erdhi shfajësimi që u sjell jetë të gjithë njerëzve.
¹⁹ Sepse, ashtu si nga mosbindja e një njeriu, shumë veta u kthyen në mëkatarë, po ashtu edhe nga bindja e njërit, shumë do të kthehen në të drejtë.
²⁰ Ligji u vu që shkelja të ishte me tepri. Por aty ku u shtua mëkati, hiri u shtua edhe më me bollëk,
²¹ që, ashtu siç mbretëroi mëkati te vdekja, po ashtu të mbretërojë edhe hiri nëpërmjet drejtësisë për të sjellë jetën e amshuar nëpërmjet Jezus Krishtit, Zotit tonë.