kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16

Romakeve

^16
1 Po ju porosit Feben, motrën tonë, e cila është shërbyese e kishës në Kenkrea,
² që ta prisni në Zotin siç u takon shenjtërve dhe ta ndihmoni në çfarëdo gjëje që mund të ketë nevojë për ju. Edhe ajo vetë ka ndihmuar shumë veta, madje edhe mua vetë.
³ Përshëndeteni Priskën dhe Akuilën, bashkëpunëtorët e mi në Krishtin Jezus,
⁴ të cilët rrezikuan kokën e tyre për jetën time. Jo vetëm unë u jam mirënjohës, por edhe të gjitha kishat e kombeve.
⁵ Përshëndetni edhe kishën që mblidhet në shtëpinë e tyre. Përshëndetni Epenetin tim të dashur, që është i pari fryt i Azisë që erdhi te Krishti.
⁶ Përshëndetni Marinë, e cila është munduar shumë për ju.
⁷ Përshëndetni Andronikun dhe Juninë, që i kam farefis dhe shokë burgu. Ata shquhen ndër apostujt dhe kanë qenë në Krishtin para meje.
⁸ Përshëndetni Ampliatin, të dashurin tim në Zotin.
⁹ Përshëndetni Urbanin, bashkëpunëtorin tonë në Krishtin dhe Stakun tim të dashur.
¹⁰ Përshëndetni Apelin, të sprovuarin në Krishtin. Përshëndetini ata të shtëpisë së Aristobulit.
¹¹ Përshëndetni Herodionin, farefisin tim. Përshëndetini ata të shtëpisë së Narcisit që janë në Zotin.
¹² Përshëndetni Trifenën dhe Trifozën, të cilat punojnë pa u lodhur në Zotin. Përshëndetni Persidën e dashur, e cila ka punuar shumë në Zotin.
¹³ Përshëndetni Rufin, të zgjedhurin në Zotin, si dhe nënën e tij, që ka qenë si nënë edhe për mua.
¹⁴ Përshëndetni Asinkritin, Flegontin, Hermesin, Patrobin, Ermasin, dhe vëllezërit që janë bashkë me ta.
¹⁵ Përshëndetni Filologun, Julinë, Nereun dhe motrën e tij, Olimpan dhe të gjithë shenjtërit që janë bashkë me ta.
¹⁶ Përshëndetni njëri-tjetrin me një puthje të shenjtë. Ju përshëndesin të gjitha kishat e Krishtit.
¹⁷ Tani po ju lutem ju, o vëllezër, që të ruheni nga ata që krijojnë përçarje dhe shkandullime në kundërshtim me mësimet që keni marrë. Largohuni prej tyre.
¹⁸ Sepse të këtillë njerëz nuk i shërbejnë Zotit tonë Krishtit, por barkut të vet. Me fjalë të bukura dhe të ëmbla ata mashtrojnë zemrat e atyre që s’dinë ç’është e keqja.
¹⁹ Fjala për bindjen tuaj ka arritur kudo; prandaj gëzohem për ju, por dua që të jeni të mençur për çka është e mirë dhe të padjallëzuar për çka është e keqe.
²⁰ Perëndia i paqes do ta dërrmojë së shpejti Satanin nën këmbët tuaja. Hiri i Zotit tonë Jezus qoftë me ju.
²¹ Ju përshëndesin Timoteu, bashkëpunëtori im, Luci, Jasoni dhe Sosipatri, farefisi im.
²² Ju përshëndes në Zotin unë, Terci, që shkrova letrën.
²³ Ju përshëndet Gai, bujtari im dhe i tërë kishës. Ju përshëndet Erasti, arkëtari i qytetit dhe Kuarti, vëllai.
²⁴ [Hiri i Zotit tonë Jezus Krisht qoftë me ju të gjithë. Amen.]
²⁵ Atij që mund t’ju forcojë sipas ungjillit tim dhe predikimit të Jezus Krishtit, sipas zbulesës së misterit të mbajtur i fshehur për shekuj të pasosur,
²⁶ por që tani u zbulua dhe u bë i njohur për të gjitha kombet nëpërmjet Shkrimeve profetike, sipas urdhërimit të Perëndisë së përjetshëm, që kombet të besojnë e t’i binden Atij;
²⁷ Perëndisë së vetëm dhe të mençur i qoftë lavdia nëpërmjet Jezus Krishtit për jetë të jetëve. Amen.