kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16

Romakeve

^13
1 Çdo shpirt duhet t’u nënshtrohet pushteteve më të larta. Sepse nuk ka pushtet që të mos jetë prej Perëndisë dhe ato që ekzistojnë, janë caktuar nga Perëndia.
² Prandaj, ai që kundërshton pushtetin i kundërvihet urdhrit të Perëndisë dhe ata që kundërvihen, do të marrin dënimin mbi veten e tyre.
³ Sepse krerët nuk janë për t’ua pasur frikën për punën e mirë, por për të keqen. A do që të mos kesh frikë nga ai me pushtet? Bëj të mirën dhe lëvdatë do të kesh prej tij.
⁴ Sepse ai është shërbëtor i Perëndisë për të të bërë mirë ty. Por nëse bën të keqen, të kesh frikë, sepse nuk e mban kot shpatën. Ai është shërbëtor i Perëndisë, që merr shpagim duke shfryrë zemërimin ndaj atij që bën të keqen.
⁵ Prandaj është e nevojshme që të nënshtroheni, jo vetëm nga frika e zemërimit, por edhe për hir të ndërgjegjes.
⁶ Për këtë paguani edhe taksa, sepse ata janë shërbyes të Perëndisë, duke iu përkushtuar pikërisht kësaj pune.
⁷ Jepuni të gjithëve ato që u takojnë: tatimin atij që i takon tatimi, detyrimin atij që i takon detyrimi, frikën atij që takon frika, nderin atij që i takon nderi.
⁸ Askujt të mos i keni gjë borxh, veç asaj që të duani njëri-tjetrin; sepse, ai që do tjetrin, ka përmbushur ligjin.
⁹ Sepse: "Mos shkel kurorën, Mos vrit, Mos vidh, Mos lakmo", dhe çdo urdhërim tjetër, përmblidhet në këtë thënie: "Duaje të afërmin tënd si veten tënde."
¹⁰ Dashuria nuk i sjell ndonjë të keqe të afërmit; dashuria pra, është përmbushje e ligjit.
¹¹ Bëni këtë, duke ditur kohën. Ka ardhur ora tashmë që të zgjoheni nga gjumi, sepse tani e kemi shpëtimin më afër sesa kur besuam.
¹² Nata ka ecur dhe dita po afron. T’i lëmë mënjanë veprat e errësirës dhe të ngjeshim armët e dritës.
¹³ Le të ecim ndershmërisht, si në mes të ditës, jo në zdërhallje dhe në dehje, jo në imoralitete dhe në shfrenim, jo në grindje e në smirë.
¹⁴ Por vishuni me Zotin Jezus Krisht dhe mos e vrisni shumë mendjen për mishin që të kënaqni epshet e tij.