kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16
kap 17
kap 18
kap 19
kap 20
kap 21
kap 22
kap 23
kap 24
kap 25
kap 26
kap 27
kap 28

Mateu

^28
1 Pas së shtunës, duke u gdhirë e para ditë e javës, Maria Magdalena dhe Maria tjetër shkuan për të parë varrin.
² Dhe ja, papritur ra një tërmet i fortë, sepse një engjëll i Zotit zbriti nga qielli dhe, pasi u afrua, e rrokullisi gurin poshtë dhe u ul mbi të.
³ Kishte pamjen e vetëtimës dhe rrobën e kishte të bardhë si dëbora.
⁴ Ata që e ruanin, u drodhën nga frika dhe u bënë si të vdekur.
⁵ Engjëlli u përgjigj dhe u tha grave: "Mos kini frikë, sepse e di që ju po kërkoni Jezusin, Atë që është kryqëzuar.
⁶ Ai nuk është këtu, sepse u ngjall, siç kishte thënë Vetë. Ejani, shikoni vendin ku ishte shtrirë.
⁷ Shkoni shpejt dhe u thoni dishepujve të Tij: ‘Ai u ngjall prej të vdekurve dhe ja, po shkon para jush për në Galile. Atje do ta shihni.’ Ja, jua thashë."
⁸ Ato u larguan menjëherë prej varrit me frikë e me gëzim të madh dhe vrapuan për t’ua çuar lajmin dishepujve të Tij.
⁹ Ja, Jezusi i takoi dhe tha: "Përshëndetje." Ato iu afruan, i kapën këmbët dhe e adhuruan.
¹⁰ Atëherë Jezusi u tha: "Mos kini frikë. Shkoni dhe u thoni vëllezërve të Mi që të shkojnë në Galile; atje do të më shohin."
¹¹ Dhe ja, ndërsa gratë po shkonin, disa prej rojave erdhën në qytet dhe u thanë kryepriftërinjve të gjitha ato që kishin ndodhur.
¹² Atëherë këta u mblodhën me pleqtë dhe vendosën t’u jepnin ushtarëve një shumë të madhe parash,
¹³ duke u thënë: "Hapni fjalën që dishepujt e Tij erdhën natën dhe e vodhën kur ne ishim duke fjetur.
¹⁴ Po ta marrë vesh guvernatori, ne do t’ia mbushim mendjen dhe ju nuk do të keni telashe."
¹⁵ Ata morën paratë dhe bënë siç u udhëzuan; kjo fjalë është përhapur midis judenjve deri në ditët e sotme.
¹⁶ Pastaj të njëmbëdhjetë dishepujt shkuan në Galile, në malin ku i kishte porositur Jezusi.
¹⁷ Kur e panë, e adhuruan, megjithëse disa e vunë në dyshim.
¹⁸ Jezusi u afrua dhe u foli, duke thënë: "Mua më është dhënë çdo pushtet në qiell e mbi dhe.
¹⁹ Shkoni pra, dhe i bëni dishepuj të gjitha kombet, duke i pagëzuar në emër të Atit, të Birit dhe të Frymës së Shenjtë,
²⁰ dhe t’i mësoni që t’i mbajnë të gjitha ato që ju kam udhëzuar. Ja, Unë jam me ju në çdo kohë, deri në mbarim të botës."