kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16

2 Korintasve

^5
1 Tani ne e dimë, se po të kalbet kjo tendë që është banesa jonë mbi tokë, kemi një ndërtesë prej Perëndisë, një shtëpi të përjetshme në qiej, që nuk është bërë nga dora e njeriut.
² Ndërkohë vërtet rënkojmë në këtë shtëpi, me dëshirën e madhe të vishemi me banesën tonë qiellore,
³ sepse, duke u veshur me të, nuk do ta shohim veten lakuriq.
⁴ Vërtet ne që jemi në tendë rënkojmë dhe jemi të rënduar, sepse nuk duam të jemi të zhveshur, por të veshur, që ajo që është e vdekshme, të përpihet nga jeta.
⁵ Ai që na përgatiti ne pikërisht për këtë, është Perëndia, që na dha Frymën si kapar.
⁶ Prandaj, jemi plot besim dhe e dimë se, kur banojmë në trup, jemi larg Zotit.
⁷ Sepse ecim me anë të besimit, jo me anë të atyre që shohim.
⁸ Jemi plot besim dhe na pëlqen më mirë të largohemi nga trupi dhe të banojmë me Zotin.
⁹ Prandaj edhe i kemi vënë vetes si detyrë që t’i pëlqejmë Atij qoftë duke banuar në trupin tonë, qoftë duke qenë larg tij.
¹⁰ Sepse ne të gjithë duhet të dalim para fronit të gjykimit të Krishtit, që secili të marrë hakën e vet sipas atyre që ka bërë me anë të trupit, për të mirë a për të keq.
¹¹ Prandaj, duke e ditur çdo të thotë t’ia kesh frikën Zotit, përpiqemi të bindim njerëzit, megjithëse për Perëndinë është e qartë se çfarë jemi, dhe shpresoj që kjo të jetë e qartë edhe për ndërgjegjen tuaj.
¹² Nuk ju rekomandojmë përsëri veten tonë, por e bëjmë këtë vetëm që t’ju japim shkas që të krenoheni për ne, që ju të keni diçka për t’iu përgjigjur atyre që mburren me pamjen e jashtme dhe jo me zemrën.
¹³ Sepse po të mos jemi në vete, kjo është për Perëndinë; po të jemi me mend në kokë, është për ju.
¹⁴ Dashuria e Krishtit na detyron, sepse jemi të bindur se një vdiq për të gjithë, prandaj të gjithë vdiqën.
¹⁵ Ai vdiq për të gjithë, që ata që jetojnë, të mos jetojnë më për veten e tyre, por për Atë që ka vdekur dhe u ngjall përsëri për ta.
¹⁶ Kështu, që tani e tutje ne nuk njohim askënd sipas mishit; edhe pse e njohëm Krishtin sipas mishit, megjithatë tani nuk e njohim më kështu.
¹⁷ Prandaj, nëse dikush është në Krishtin, ai është një krijesë e re; e vjetra shkoi; ja, erdhi e reja!
¹⁸ Të gjitha këto janë prej Perëndisë, që na pajtoi me Veten e Vet nëpërmjet Krishtit dhe na dha shërbesën e pajtimit,
¹⁹ domethënë, Perëndia e pajtoi botën me Veten e Vet në Krishtin, duke mos ua llogaritur njerëzve shkeljet e tyre, por duke na besuar neve mesazhin e pajtimit.
²⁰ Prandaj, shërbejmë si të dërguar të Krishtit; Perëndia ju drejtohet nëpërmjet nesh. Ne ju lusim në emër të Krishtit: pajtohuni me Perëndinë.
²¹ Atë që nuk e njihte mëkatin, Perëndia e bëri mëkat për ne, që ne të bëheshim drejtësia e Perëndisë në Krishtin.