kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13

2 Korintasve

^13
1 Kjo është e treta herë që vij te ju. Çdo çështje duhet të vendoset me gojën e dy ose tre dëshmitarëve.
² E kam thënë më parë, kur isha herën e dytë, dhe tani, që nuk jam, po ua them paraprakisht atyre që kanë mëkatuar më parë si dhe të gjithë të tjerëve, se po të vij përsëri, nuk do të kursej njeri,
³ meqenëse kërkoni provë që Krishti flet nëpërmjet meje. Ai nuk është i dobët ndaj jush, por është i fuqishëm në mes jush.
⁴ Sepse, vërtet Ai u kryqëzua prej dobësisë, por jeton prej fuqisë së Perëndisë. Po ashtu, edhe ne jemi të dobët në Atë, por do të jetojmë bashkë me Të prej fuqisë së Perëndisë për t’ju shërbyer juve.
⁵ Shqyrtoni veten tuaj për të parë nëse jeni në besim, vëreni në provë veten tuaj! Apo nuk e kuptoni se Jezus Krishti është në ju? Veç po të jeni rrëzuar në provë.
⁶ Shpresoj se do ta merrni vesh se ne nuk jemi rrëzuar në provë.
⁷ I lutemi Perëndisë që ju të mos bëni asnjë të keqe, jo që të dukemi se e kaluam provën, por që ju të bëni të mirën edhe sikur ne të dukemi të pamiratuar.
⁸ Sepse nuk mund të bëjmë ndonjë gjë kundër së vërtetës, por vetëm për të vërtetën.
⁹ Prandaj gëzohemi kur ne jemi të dobët, ndërsa ju jeni të fortë; edhe për këtë lutemi, që ju të jeni të përkryer.
¹⁰ Prandaj i shkruaj këto duke qenë larg jush, që kur të jem aty, të mos sillem në mënyrë të ashpër, sipas pushtetit që më ka dhënë Zoti për ndërtimin dhe jo për shkatërrimin tuaj.
¹¹ Më në fund, o vëllezër, gëzohuni, bëhuni të përkryer, ngushëllohuni, jini në një mendje, jetoni në paqe. Dhe Perëndia i dashurisë dhe i paqes do të jetë me ju.
¹² Përshëndeteni njëri-tjetrin me një puthje të shenjtë.
¹³ Të gjithë shenjtërit ju përshëndesin.
¹⁴ Hiri i Zotit Jezus Krisht, dashuria e Perëndisë dhe shoqërimi i Frymës së Shenjtë qofshin me ju të gjithë.