kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13
kap 14
kap 15
kap 16

1 Korintasve

^8
1 Sa për ato që u flijohen idhujve, e dimë që të gjithë kemi njohuri. Njohuria të krekos, por dashuria ndërton.
² Nëse dikush mendon se di diçka, ai ende nuk di ashtu siç duhet të dijë.
³ Por, nëse dikush e do Perëndinë, Perëndia e njeh atë.
⁴ Pra, sa për ngrënien e atyre që flijohen për idhujt, e dimë se në botë nuk ka asnjë idhull dhe se nuk ka asnjë Perëndi veç njërit.
⁵ Sepse, edhe sikur të ketë të ashtuquajtur perëndi, qoftë në qiell ose në tokë (siç ka vërtet shumë perëndi dhe shumë zota),
⁶ për ne ka një Perëndi, Ati, prej të cilit kanë ardhur të gjitha gjërat, dhe për të cilin ne jetojmë; ka një Zot, Jezus Krishti, nëpërmjet të cilit ekzistojnë të gjitha gjërat dhe nëpërmjet të cilit ne jetojmë.
⁷ Megjithatë, jo çdo njeri e ka këtë njohuri; disa, që deri tani janë mësuar me idhujt, e hanë ushqimin sikur të jetë diçka që është flijuar për idhull dhe kështu ndërgjegjja e tyre, duke qenë e dobët, mbetet e përlyer.
⁸ Nuk është ushqimi ai që do të na afrojë me Perëndinë; nuk është se, po të mos hamë, do të jemi më pak të këqinj dhe, po të hamë, do të jemi më të mirë.
⁹ Shikoni se mos kjo liri juaja bëhet pengesë për të dobëtit.
¹⁰ Sepse, po të të shohë dikush, që e ka ndërgjegjen të dobët, se ti, që ke njohuri, je shtruar për të ngrënë në një tempull idhujsh, a nuk do të marrë zemër edhe ai për të ngrënë gjërat që u flijohen idhujve?
¹¹ Sepse vëllai, që është i dobët, për të cilin vdiq Krishti, do të shkojë dëm nga njohuria jote.
¹² Pra, kur mëkatoni në këtë mënyrë kundër vëllezërve dhe u plagosni ndërgjegjen e tyre të dobët, ju mëkatoni kundër Krishtit.
¹³ Prandaj, nëse ushqimi im e bën të rrëzohet vëllanë tim, nuk do të ha kurrë më mish, që vëllai im të mos shkandullohet.