kap 1
kap 2
kap 3
kap 4
kap 5
kap 6
kap 7
kap 8
kap 9
kap 10
kap 11
kap 12
kap 13

Hebrenjve

^1
1 Perëndia, kohë më parë, u foli etërve me anë të profetëve shumë herë dhe në shumë mënyra,
² por këto ditët e fundit na ka folur neve me anë të Birit të Vet, të cilin e vuri trashëgimtar mbi të gjitha gjërat, dhe nëpërmjet të cilit Ai bëri edhe gjithësinë.
³ Ai është rrezatimi i lavdisë së Tij, shëmbëllesa e qenies së Tij, duke mbajtur gjithçka me fjalën e Tij të fuqishme. Pasi bëri pastrimin nga mëkatet, Ai u ul në të djathtë të Madhërisë në lartësitë e qiejve.
⁴ Ai u bë aq më i lartë se engjëjt, saqë emri që ka trashëguar është edhe shumë më i lartë se emri i tyre.
⁵ Sepse cilit prej engjëjve i tha Perëndia ndonjëherë: "Ti je Biri Im, Unë sot të kam lindur" ose përsëri: "Unë do t’i bëhem Atij Atë dhe Ai do të jetë Bir për Mua"?
⁶ Dhe përsëri, kur Perëndia sjell të parëlindurin në botë, Ai thotë: "Le ta adhurojnë Atë të gjithë engjëjt e Perëndisë."
⁷ Për engjëjt Ai thotë: "Ai i bën engjëjt e Vet erëra dhe shërbyesit e Vet flakë zjarri."
⁸ Por për Birin thotë: "Froni Yt, o Perëndi, do të jetë për jetë të jetëve dhe drejtësa do të jetë skeptri i mbretërisë Sate.
⁹ E ke dashur drejtësinë dhe e ke urryer paudhësinë. Prandaj Perëndia, Perëndia Yt, të ka vënë mbi shokët e Tu, duke të lyer me vaj ngazëllimi.
¹⁰ Ti o Zot, në fillim hodhe themelin e dheut dhe qiejt janë vepra të duarve të Tua.
¹¹ Ata do të zhduken, por Ti do të mbetesh dhe të gjithë si plaçkë trupi do të vjetrohen.
¹² Si mantel do t’i mbështjellësh; si rrobë do të ndërrohen. Por Ti je po Ai dhe vitet e Tua nuk do të shterin kurrë."
¹³ Por cilit prej engjëjve i tha Perëndia ndonjëherë: "Ulu në të djathtën Time, derisa t’i vë armiqtë e Tu si stol për këmbët e Tua."?
¹⁴ A nuk janë të gjithë shpirtra të ngarkuar me një detyrë, që janë dërguar për t’u shërbyer atyre që do të trashëgojnë shpëtimin?