kap 1
kap 2
kap 3
kap 4
kap 5
kap 6

Galatasve

^6
1 Vëllezër, edhe sikur dikush të kapet në ndonjë faj, ju që jeni të Frymës, kthejeni një njeri të këtillë në rrugë të drejtë me butësi; por ruaj veten tënde, se mos bie në tundim edhe ti.
² Mbani barrën e njëri-tjetrit dhe kështu do të përmbushni ligjin e Krishtit.
³ Sepse, nëse dikush mendon se është dikushi, duke mos qenë asgjë, ai gënjen vetveten.
⁴ Por le ta vërë secili në provë punën e vet, dhe atëherë do të ketë përse të mburret vetëm për veten e vet dhe jo për tjetrin.
⁵ Sepse secili do të mbajë barrën e vet.
⁶ Ai, të cilit i mësohet fjala, le t’i ndajë të gjitha të mirat me atë që ia mëson.
⁷ Mos u gënjeni: Perëndia nuk vihet në lojë; sepse çfarëdo që të mbjellë njeriu, po atë do të korrë.
⁸ Sepse ai që mbjell për të kënaqur mishin e vet, prej mishit do të korrë prishjen, por ai që mbjell për Frymën, prej Frymës do të korrë jetën e amshuar.
⁹ Le të mos lodhemi duke bërë mirë, sepse po të mos heqim dorë, do të korrim në kohën e duhur.
¹⁰ Kështu pra, sa kemi rast, le t’u bëjmë mirë të gjithëve dhe në radhë të parë pjesëtarëve të familjes në besim.
¹¹ Shikoni me ç’shkronja të mëdha po ju shkruaj tani me dorën time.
¹² Të gjithë ata që duan të duken mirë në mish, përpiqen t’ju detyrojnë të rrethpriteni. Këtë e bëjnë vetëm që të mos përndiqen për shkak të kryqit të Krishtit.
¹³ Sepse as vetë ata që janë rrethprerë, nuk e mbajnë Ligjin, por duan që ju të rrethpriteni, që të mburren me mishin tuaj.
¹⁴ Sa për mua, mos paça mburrje tjetër, veçse në kryqin e Zotit tonë Jezus Krisht, nëpërmjet të cilit bota është kryqëzuar për mua dhe unë për botën.
¹⁵ Sepse ajo që vlen nuk është rrethprerja, as parrethprerja, por krijimi i ri.
¹⁶ Të gjithë ata që do të ecin sipas këtij rregulli, paqja dhe mëshira qofshin mbi ta dhe mbi Izraelin e Perëndisë.
¹⁷ Tashti e tutje askush të mos më mundojë, sepse unë mbaj shenjat e Jezusit në trupin tim.
¹⁸ Hiri i Zotit tonë Jezus Krisht qoftë me frymën tuaj, o vëllezër. Amen.