kap 1
kap 2
kap 3
kap 4
kap 5

1 Gjoni

^1
1 Atë që ishte që në fillim, atë që kemi dëgjuar, atë që kemi parë me sytë tanë, atë që e vështruam dhe duart tona e prekën, këtë shpallim për Fjalën e Jetës.
² Jeta u shfaq; ne e kemi parë dhe dëshmojmë për të dhe jua shpallim juve jetën e amshuar, e cila ishte me Atin dhe na u shfaq neve.
³ Atë që kemi parë dhe kemi dëgjuar, po jua shpallim edhe juve, që edhe ju të keni shoqërim me ne. Dhe vërtet shoqërimi ynë është me Atin dhe me Birin e Tij Jezus Krishtin.
⁴ Ne i shkruajmë këto, që gëzimi ynë të jetë i plotë.
⁵ Ky është mesazhi që kemi dëgjuar prej Tij dhe po jua shpallim juve: Perëndia është dritë; në Të nuk ka fare errësirë.
⁶ Po të themi se kemi shoqërim me Të dhe ecim në errësirë, gënjejmë dhe nuk jetojmë në të vërtetën.
⁷ Por po të ecim në dritën, siç është Ai Vetë në dritën, kemi shoqërim me njëri-tjetrin dhe gjaku i Jezusit, Birit të Tij, na pastron nga çdo mëkat.
⁸ Po të themi se nuk kemi asnjë mëkat, gënjejmë veten tonë dhe e vërteta nuk është tek ne.
⁹ Po të pohojmë mëkatet tona, Ai është besnik dhe i drejtë dhe do të na i falë mëkatet dhe do të na pastrojë nga çdo faj.
¹⁰ Po të themi se nuk kemi mëkatuar, e bëjmë Atë gënjeshtar dhe fjala e Tij nuk ka vend në jetën tonë.